Política de privacidade

Última actualización: 13 de novembro de 2026.

Esta política explica que datos persoais trato en Lentocuento, para que e que dereitos tes. Está escrita para que se entenda: se algo non queda claro, escríbeme.

Quen é o responsable

Responsable: Miguel Tomás Magaña Terrón (Lentocuento)
NIF: 44849242R
Domicilio: Lugo (España)
Correo: tomas@tomasmaganha.com

Que datos trato

Formulario «Avísame cando abra un grupo»: o teu nome e o teu correo electrónico, o curso do neno ou a nena, a lingua que prefires, as tardes e a franxa horaria que che virían ben e, se queres dalos, o teu barrio ou zona de Lugo e como coñeciches Lentocuento.
Formulario da guía para familias: o teu correo electrónico.
Formularios de consulta para centros e outros grupos: o teu nome, o centro, a entidade ou a empresa, o tipo de entidade, o teu correo electrónico, o teu teléfono se queres dalo e o que me contes na mensaxe.
Correos de Lentocuento: o teu nome e o teu correo electrónico, se marcas a caixa correspondente.
Mensaxes: os datos que inclúas se me escribes por correo.

Na web non pido ningún dato do neno ou a nena máis alá do seu curso. Se despois decides apuntalo a un grupo, informareite á parte dos datos necesarios para o obradoiro e pedireiche os permisos que fagan falla, por exemplo para incluír os seus textos na antoloxía.

Para que os uso e con que base legal

Avisarte cando abra un grupo e organizalo segundo a dispoñibilidade das familias. Base legal: o teu consentimento (artigo 6.1.a do Regulamento xeral de protección de datos).
Enviarche a guía para familias que pediches. Base legal: o teu consentimento (artigo 6.1.a do Regulamento xeral de protección de datos).
Responder ás consultas de centros, entidades e grupos e preparar unha proposta. Base legal: a aplicación de medidas precontractuais por petición túa (artigo 6.1.b) e o teu consentimento.
Enviarche de cando en vez correos con lecturas e novidades, só se o pediches. Base legal: o teu consentimento. Para confirmalo, recibirás un primeiro correo no que terás que premer unha ligazón. Podes darte de baixa en calquera momento desde a ligazón que inclúe cada correo.
Responder ás túas mensaxes. Base legal: o teu consentimento ao escribirme e, se me pides información sobre un obradoiro, a aplicación de medidas precontractuais (artigo 6.1.b).

Cando te apuntas ao aviso, á guía ou aos correos, recibirás primeiro unha mensaxe cunha ligazón para confirmar o teu enderezo. Así comprobo que o correo é teu e queda constancia do teu consentimento.

Non uso os teus datos para tomar decisións automatizadas nin para elaborar perfís.

Canto tempo os conservo

Os datos do formulario de aviso, ata que abra un grupo e che avise, e como máximo dous anos desde que o enviaches, salvo que me pidas antes que os borre.
O correo do formulario da guía, só o tempo necesario para enviarcha, salvo que tamén pedises os correos de Lentocuento.
As consultas de centros e grupos, o tempo necesario para atendelas e, se chegamos a un acordo, o que esixan esa relación e a normativa fiscal.
Os datos para os correos de Lentocuento, ata que te deas de baixa.
As mensaxes, o tempo necesario para atendelas.

Quen máis accede a eles

Non cedo os teus datos a ninguén, salvo obriga legal. Para que a web e os envíos funcionen, traballo con estes provedores, que tratan os datos só por encargo meu (encargados do tratamento):

Brevo SAS (París, Francia), que xestiona os formularios e o envío de correos. Brevo pode empregar provedores fóra do Espazo Económico Europeo, coas garantías que esixe o Regulamento xeral de protección de datos.
Cloudflare, Inc. (Estados Unidos), que aloxa a web e rexistra datos técnicos das visitas, como o enderezo IP, por motivos de seguridade. Cloudflare está certificada no Marco de Privacidade de Datos UE-EUA.

Os teus dereitos

Podes pedirme en calquera momento acceder aos teus datos, rectificalos ou suprimilos, opoñerte ao seu tratamento, limitalo ou recibilos nun formato que poidas levar a outro sitio. Tamén podes retirar o teu consentimento cando queiras, sen que iso afecte ao feito antes. Abonda con escribir a tomas@tomasmaganha.com.

Se cres que non atendín ben a túa petición, podes reclamar ante a Axencia Española de Protección de Datos (www.aepd.es).

Cookies

Esta web non usa cookies. Tes máis información na política de cookies.